Shefi i grupit parlamentar të LDK-së, Arben Gashi ka konfirmuar se nesër në ora 11:00 do të mbahet seanca për votimin e Qeverisë Hoti.

I pyetur se a do të udhëhiqet seanca nga kryeparlamentarja Vjosa Osmani, Gashi tha se kjo e vendos vetë për këtë çështje.

“Nuk e di. Vjosa Osmani është Kryetare e Kuvendit dhe vendos vetë nëse do ta udhëheqë këtë seancë”, ka thënë Gashi pas mbledhjes së Kryesisë së Kuvendit.

Ndryshe, Gashi ka thënë se është i bindur që nesër Kosova do ta ketë qeverinë e re, mirëpo nuk ka treguar se sa vota i ka koalicioni që po synon të qeverisë me vendin. /Reporteri.net