Nga LDK ka ardhur reagimi i parë pas arrestimit të kryetarit të Istogut, Haki Rugova.

Është Dega e Lidhjes Demokratike në Istog  e cila ka reaguar përmes një komunikate për media, ku e cilëson arrestimin e Haki Rugovës si të motivuar politikisht.

“Kryesia e Lidhjes Demokratike të Kosovës , beson se ky ndalim është kryer me motive politike, prandaj ne besojmë në paanësinë e organeve të drejtësisë”, thuhet në komunikatën e lëshuar nga Dega e LDK’së në Istog.

Kujtojmë se gjatë ditës së djeshme është arrestuar kryetari i Istogut Haki Rugova, ish-nënkryetari i kësaj komune, Lulzim Blakaj dhe zyrtari ligjor, Faton Bujupi.

Arrestimi i tyre është bërë me urdhër të Prokurorisë Themelore në Pejë.

Policia e Kosovës ka konfirmuar se të tre të dyshuarit janë arrestuar për keqpërdorim të detyrës zyrtare.