Nga e marta e 27 majit, të gjithë maturantët mund të fillojnë aplikimin për Provimin e Maturës në platformën e-Kosova, shkruan Reporteri.net.

Aplikimi do të jetë i hapur deri më datë 10 qershor.

Provimi i maturës do të mbahet më 21 qershor, ndërsa rezultatet do të shpallen me 30 qershor.

MASHT njofton se gjithsej do të jenë 100 pyetje.

Njoftimi:

Ministria e Arsimit, Shkencës, Teknologjisë dhe Inovacionit (MAShTI), njofton maturantët se, nga dita e nesërme, 27.05.2025, do të filloj aplikimi për Provimin e Maturës. Aplikimi do të bëhet përmes platformës e-Kosova dhe do të zgjasë deri më 10.06.2025, ndërsa aprovimi i aplikimeve nga koordinatorët e shkollave do të bëhet nga 01.06.2025 deri më 11.06.2025.

Provimi i Maturës Shtetërore 2025 në Kosovë është planifikuar të mbahet më 21 qershor 2025, kurse rezultatet do të publikohen më 30.06.2025. Nxënësit që e kalojnë Provimin e Maturës do të mund të shkarkojnë certifikatën digjitale nga po e njëjta platformë.

Testi do të zhvillohet në një ditë të vetme dhe do të përfshijë katër lëndë: Gjuhë Shqipe, Gjuhë Angleze, Matematikë dhe një lëndë me zgjedhje. Secila lëndë do të ketë nga 25 pyetje, me gjithsej 100 pyetje.

/Reporteri.net/