Nga sot, radarët e Policisë së Kosovës do të jenë më të sofistikuar.

Këtë e ka bërë të ditur ministri në largim i Tregtisë dhe Industrisë, Endrit Shala i cili mori pjesë në përparimin e laboratorëve që shërbejnë për kalibrimin e radarëve dhe alkoolmetrave.

Ky është postimi i plotë i Shalës në Facebook:

Edhe një vendim në mbrojtje të konsumatorit

Sot bashkë me drejtorin e Policisë së Kosovës, Rashit Qalaj, përparuam dy laboratorë të Ministrisë së Tregtisë dhe Industrisë, gjegjësisht Agjencisë së Metrologjisë që do të shërbejnë për kalibrimin e radarëve dhe alkoolmetrave.

Kjo është edhe një dëshmi për punën që jemi duke e bërë në mbrojtje të konsumatorit dhe ofrimit të sigurisë për qytetarët.

Policia e Kosovës tash e tutje do t’i kalibrojnë pajisjet në institucionet shtetërore, dhe qytetarët do jenë edhe më të sigurt.