Sot institucionet e Republikës së Kosovës kanë vazhduar me mbylljen e strukturave paralele serbe. Në komunën e Mitrovicës së Veriut, një objekt që deri më tani ishte i uzurpuar nga strukturat paralele – konkretisht nga e ashtuquajtura Zyrë për Sport, Rini dhe Shërbime të Specializuara – është rikthyer në pronësi të komunës. Po ashtu, një aksion i ngjashëm është zhvilluar pranë stacionit të pompave të ujit në fshatin Suhodoll të kësaj komune.

Për këtë kryeministri në detyrë, Albin Kurti tha se pronat e uzurpuara po i kthehen Republikës.

“Nga prona të uzurpuara në hapësira për shfrytëzim të institucioneve të Republikës. Me rend dhe ligj, për shërbime dhe nevoja të qytetarëve, pa dallim.”, ka shkruar Kurti.