Në veri të Kosovës i është djegur dyqani nënkryetares së Zveçanit, Natasha Tomaniq. Për këtë rast ka reaguar dje kryeministri i Kosovës, duke e ndërlidhur rastin me strukturat kriminale atje. Kurti në postimin e tij në ‘facebook’ kishte thënë se shpreson që të reagojnë QUINT-i e BE-ja për këtë rast.

Një ditë pas Kurtit ka reaguar edhe deputeti i Lëvizjes Vetëvendosje, Armend Muja, duke thënë se kanë kaluar 24 orë nga djegia e dyqanit të Tomaniq dhe se askush deri më tani nga ndërkombëtarët s’kanë reaguar dhe nuk e kanë dënuar sulmin.

Muja i ka etiketuar në statusin e tij Ambasadën Amerikane, atë Gjermane dhe Zyrën e BE-së në Kosovë.

“Kanë kaluar mbi 24 orë nga djegia e dyqanit të nënkryetares së komunës së Zveçanit, Natasha Tomaniq. Natasa është serbe e Kosovës. Deri më tani askush nga bashkësia ndërkombëtare nuk ka reaguar dhe as nuk e ka dënuar sulmin.@USEmbPrishtina@GermanAmbKOS@EUKosovo”’, ka shkruar Muja.

Over 24hrs have passed since Deputy Mayor of Zveçan, Natasa Tomanic's shop was burnt down. Natasa is a Kosova Serb. So far no one from the international community has reacted nor condemned the attack.@USEmbPristina, @GermanAmbKOS, @EUKosovo

— Armend Muja (@ArmendMuja) March 9, 2024

Të njëjtën e ka bërë edhe deputetja Arbëreshë Kryeziu-Hyseni, e cila ka thënë se “Beigradi duket se nuk po shqetësohet”.

“Dyqani i Natasha Tomaniq është djegur dje. Ajo është nënkryetare e komunës së Zveçanit – një serbe kosovare me post zyrtar. Beogradi duket se nuk po shqetësohet, prandaj as komuniteti ndërkombëtar”, ka shkruar ajo.

Natasa Tomanic's shop was burnt down yesterday. She is deputy Mayor of Zveçan – a Kosovar Serb holding public office. Belgrade seems not to be disturbed, hence neither the international community. Is that the case @USAmbKosovo @GermanAmbKOS @EUAmbKS @Olivier_Guerot?

— Arbereshe Kryeziu Hyseni (@HyseniKryeziu) March 9, 2024

Policia e Kosovës dje përmes raportit 24 orësh ka bërë të ditur se rasti është raportuar pas mesnate dhe nga ankuesja është thënë se është bërë qëllimshëm dhe vlera e dëmit është mjaft e lartë.

“Zveçan 08.03.2024 – 00:45. Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin 24-orësh të policisë. /Reporteri.net/

Djegia e pronës private të nënkryetares së Zveçanit, Kurti: Akt terrorist, shpresoj ta dënojnë QUINT-i dhe BE-ja