Disa fshatra të Podujevës u përballën me mungesë të rrymës në ditën e Kurban Bajramit, festë kjo që shënohet me shumë përkushtim në këtë zonë.

Llapashtica e Gllamniku nuk patën rrymë fare për 6 orë, shkruan Reporteri.net.

Mirëpo, KEDS-i ka njoftuar se mungesa e rrymës nuk ka ardhur nga ndonjë reduktim, mirëpo për shkak të një prishjeje.

“Në Podujevë bëhet fjalë për një kabllo nëntokësore e cila është prishur nga mëngjesi, ekipet janë në terren për ta rregulluar problemin, por se nuk kanë orar të caktuar se kur do të arrihet sanimi meqë prishja është e madhe”, kanë deklaruar nga KEDS.

Sidoqoftë, KEDS shpesh njofton për ndalje të kontrolluar të rrymës nëpër zona ku kryhen punime./Reporteri.net