Një ngjarje tragjike ndodhi të dielën në mbrëmje jo fort larg qendrës në Prishtinë, ku u shënua një incident i rëndë që përfundoi me fatalitet. Për motive akoma të panjohura, një person dyshohet se ther për vdekje me thikë vëllain e tij, te banesa e tyre në rrugën “Tirana”.

Motivet e rastit akoma nuk dihen, teksa tashmë ka nisur hetimi nga Policia në koordinim me Prokurorin e Shtetit.

Kjo ngjarje ka tronditur familjen Myftari, ku ndodhi krimi i rëndë dhe humbi jetën A., ndërsa i dyshuar është vëllai i tij, G..

Të dy raportohet të jenë vëllezër të regjisorit kosovar Agon Myftari.

Në emër të familjes, Agoni ka kërkuar mirëkuptim nga mediat që të mos spekulohet për rastin e vdekjes së A. Myftarit, anëtarit të familjes i cili dyshohet se u vra nga vëllai i tij, G. Myftari.

Ai ka bërë të ditur se varrimi i të ndjerit do të bëhet nesër në varrezat e qytetit në Arbëri.