Një ngjarje e rëndë ka ndodhur në fshatin Llapqevë të Malishevës, ku një person 61-vjeçar mbrëmë rreth orës 23:40 nën ndikimin e alkoolit ka plagosur djalin e tij 24-vjeçar.

Lajmin e ka konfirmuar për Gazetën Reporteri.net Nysret Xhurkaj, zëdhënës i Policisë rajonale në Gjakovë, i cili njoftoi se ende nuk dihet shkaqet e incidentit.

“Mbrëmë rreth orës 23:40 në fshatin Llapqevë të Komunës së Malishevës ka ndodhur një tentim vrasje. Babai (viti i lindjes 1959) nën ndikimin e alkoolit ka plagosur djalin e tij (viti i lindjes 1994), i cili më pas është dërguar për trajtim mjekësor në QKUK”, ka thënë Xhurkaj për Reporteri.net.

Ai ka bërë të ditur se i dyshuari është dërguar në mbajtje me urdhër të prokurorit.

Arma e të dyshuarit është konfiskuar dhe rasti po vazhdon të hetohet. /Reporteri.net/.