Ngjarjet e datës 29 maj 2024:

Oda Ekonomike e Kosovës organizon Panairin e Përgjithshëm Ndërkombëtar “PRISHTINA 2024”. (“Prishtina Business Center”, Zona Industriale në Çagllavicë, ora 11:00)

Lansohet projekti “Më Shumë Zgjedhje: Politikat e Përgjegjshme Gjinore për Familjen për Sektorin Privat në Kosovë – Faza 2”. (Ndërtesa e Kuvendit të Kosovës, ora 10:00)

Komisioni për Buxhet, Punë dhe Transfere, shqyrton raportin vjetor të Radiotelevizionit të Kosovës për vitin 2023 dhe të Zyrës së Rregullatorit për Energji për vitin 2023. (Kuvendi i Kosovës, salla C203, ora 11:00)

Përurohet monografia “Sali Çekaj, veprimtaria politike dhe ushtarake” me autor Frashër Demaj. (Instituti i Historisë “Ali Hadri”, Prishtinë, ora 12:00)

Dhomat e Specializuara të Kosovës organizojnë një takim të shkurtër informues dhe përditësues, pa raportim, për gazetarët e interesuar. (Hotel Sirius, Prishtinë, ora 15:00)

Tubim mbështetës për zgjedhjet në Luginë. Marrin pjesë: Kryeministri i Kosovës, Albin Kurti, kandidatja për kryetare të Preshevës, Ardita Sinani, kandidati për kryetar të Bujanocit, Ragmi Mustafi, deputeti shqiptar në parlamentin e Serbisë, Shaip Kamberi. (Amfiteatri i madh, Fakulteti Juridik, ora 18:00)