Nikaj, PDK: Kurti po mundohet që përgjegjësinë e keqmenaxhimit të pandemisë ta bartë tek qytetarët

Pas dakordimit të presidentes Vjosa Osmani më partitë politike që të mos shtyhet dita e zgjedhjeve, 17 tetori ka pasur shumë reagime nga partitë opozitare.

---

Anëtari i Kryesisë së PDK-së, Bernard Nikaj ka thënë se qëndrimi i kësaj partie në vazhdimësi ka qenë që të mos shtyhet dita e zgjedhjeve sepse kjo do të ishte suspendim i demokracisë, shkruan Reporteri.net.

“Qëndrimi i PDK ka qenë konsekuent ku ne shumë herët kemi thënë se duhet tëa vendosim shëndetin e qytetarit në fokus. Kjo nuk do të thotë se ne duhet ta suspendojmë demokracinë dhe të shtyjmë zgjedhjet”, tha ai.

Nikaj në Politiko të Kanal 10, u shpreh se PDK ka qenë në pajtim që të shkurtohet fushata por në asnjë mënyrë që të shtyhet dita e zgjedhjeve.

“Nga ajo që kemi parë dita e zgjedhjeve nuk ka ndikuar në rritjen e infeksioni dhe se mund të realizohet ashtu që të mbrohet shëndeti i qytetarëve. Kurti është duke u përpjekur që të bartë përgjegjësinë e keqmenaxhimit të pandemisë tek qytetari. Ne si PDK kemi sugjeruar dhe ofruar alternativa dhe kemi apeluar që të përshpejtohet procesi i vaksinimit/”, tha Nikaj.