Mbrëmë rreth ora 23:00, Policia e Kosovës ka ndërhyre në një aheng familjar në fshatin Poklek i ri, Komuna e Drenasit, ku ka pasur të shtëna me armë zjarri.

Njësitet policore të patrullës kanë dalë në vendin e ngjarjes dhe kanë kontaktuar me organizatorin e ahengut, i cili ka pranuar se me armë me gas ka gjuajtur nipi i tyre S.H., nga fshati Carallukë, Malishevë.

Policia në vendin e ngjarjes ka sekuestruar një pistoletë me gas, një karikator si dhe katër gëzhoja të cilat dyshohet të jenë të kësaj arme.

I dyshuari pas intervistimit me vendim të prokurorit është liruar në procedurë të rregullt.