Nis takimi Haradinaj – Palmer

Zëvendës ndihmësi i sekretarit të Shtetit i SHBA-ve, njëherësh Përfaqësues Special i sekretarit të Shtetit për Ballkanin Perëndimor, Matthew Palmer, sot po qëndron për vizitë në Kosovë.


Palmer pritet të takohet me liderët kosovarë, ndërsa takimet e tij të shumta i ka filluar me kryeministrin në detyrë, Ramush Haradinaj.

Kujtojmë se Palmer rast do të flasë para një publiku të përbërë nga studentë dhe pjesëtarë të shoqërisë civile në Bibliotekën Kombëtare të Kosovës.

Pas fjalimit, ai do të përgjigjet në pyetjet nga ky publik, njofton Ambasada e SHBA-së në Prishtinë.

Po ashtu, Palmer pritet që sot në mesditë të takojë edhe presidentin Hashim Thaçi. Lajmi është bërë i ditur nga Kabineti i Presidentit, sipas të cilit takimi do të mbahet në ora 13.30.

Ndryshe, vizita e Palmer në Kosovë ishte paralajmëruar më herët, por nuk ishte caktuar data e vizitës.

Para ardhjes në Kosovë, Palmer qëndroi për vizitë në Maqedoninë e Veriut.

Zëvendës ndihmësi i sekretarit të Shtetit i SHBA-ve, kohë më parë u emërua si Përfaqësues Special i sekretarit të Shtetit për Ballkanin Perëndimor.

Mirëpo, Palmer Mathew Palmer duket se nuk do të takojë kandidatin për kryeministër të Kosovës, Albin Kurti.

Madje, siç merret vesh Kurti nuk ndodhet në Kosovë, por se nuk dihet vendndodhja e tij.

Zyra e Vetëvendosjes akoma nuk ka dhënë detaje se ku gjendet lideri i tyre dhe sa do të zgjasë udhëtimi i tij.