Policia e Kosovës ka gjetur një person pa shenja jete në një banesë në kryeqytet. Bëhet fjalë për një 29 vjeçar, vdekja e të cilit po konsiderohet e dyshimtë.

Zëdhënësi i Policisë, Agron Borovci, për Reporterin ka treguar për ngjarjen, duke bërë të ditur edhe detajet e gjetjes së trupit.

“Me 09.04.2019 rreth orës 05:00 policia ka marrë informaten për dyshimin se në një shtepi ne rrugën “Enver Zyberi” në Prishtinë, gjendet një trup i pa jetë. Në vendin e ngjarjes janë ftuar edhe zjarrefikësit të cilët kanë mundesuar depërtimin brenda shtepisë në fjale ku edhe është gjetur trupi i pa jetë i një mashkulli 29 vjeçar” ka thënë Borovci.

Ndërkohë, trupi i pajetë është dërguar në Mjekësinë Ligjore për obduksion për t’u bërë të ditura shkaqet e vdekjes.

Ndryshe, Policia ka thënë se po vazhdon hetimet edhe në banesën ku u gjet viktima./Reporteri.net