Ambasadori i Shteteve të Bashkuara të Amerikës në Kosovë, Philip Kosnett para nja 15 minutave ka hyrë në Qeverinë e Kosovës dhe po zhvillon një takim me Kryeministrin në detyrë, Albin Kurti, shkruan Reporteri.net. 

Nesër do të jetë ditë tejet e rëndësishme dhe të gjithë po presin si do të reagojë Lëvizja Vetëvendosje. Kuvendi i Kosovës do të mblidhet në ora 11:00 për të provuar zgjedhjen e Qeverisë së Avdullah Hotit.

Ndërkohë, para nja 10 minutave në Qeverinë e Kosovës ka hyrë Ambasadori i Shteteve të Bashkuara të Amerikës, Philip Konsett. Burime të Gazetës Online ‘Reporteri.net’ thonë se ai po zhvillon një takim me kreun e Qeverisë, Albin Kurti.

Nuk dihet nëse ky takim është i rregullt që ata kanë zakonisht, apo ndërlidhet me zhvillimet që ndodhi nesër.

Kurti nuk do të mund të jetë në seancë sepse nuk është më deputet e ndërkaq Vetëvendosje nuk ka bërë me dije nëse do të jetë në seancë dhe si do të reagojë. Ata aktualisht po mbledhin nënshkrime në një peticion nën emrin ‘Duam zgjedhje’. /Reporteri/.