Një person është goditur për vdekje nga vetura në fshatin Sllatinë të Fushë Kosovës.

Policia e Kosovës ka konfirmuar për Reporteri.net se rasti ka ndodhur rreth orës  20:35.

Drejtuesi i automjetit është shoqëruar në polici për të vazhduar me procedurat e parapara për raste të tilla.

“Rreth orës 20:35, policia është njoftuar për një aksident trafiku të ndodhur në rrugën nacionale Prishtinë-Pejë (fshati Sllatinë). Në aksident është përfshirë një veturë nga e cila dyshohet se është aksidentuar një këmbësor. Njësitet policore kanë dalë në vendin e ngjarjes, po ashtu edhe ekipi mjekësor të cilët kanë konstatuar se këmbësori është pa shenja jete. Drejtuesi i automjetit është shoqëruar në polici për të vazhduar me procedurat e parapara për raste të tilla”, kanë thënë nga Policia e Kosovës për Reporteri.net. /Reporteri.net/