Gjykata Themelore Prishtinë ka vendosur në çështjen penale ndaj të pandehurit L.S për shkak të veprave penale të grabitjes, shkaktim i rrezikut të përgjithshëm dhe mbajtja në pronësi, kontroll ose posedim i paautorizuar i armëve.

Gjyqtari i procedurës paraprake ka aprovuar si të bazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit L.S dhe të njëjtit i është caktuar masa e paraburgimit në kohëzgjatje prej një  muaji.

Gjykata vlerësoi se janë plotësuar kushtet për caktimin e paraburgimit, pasi që nëse i pandehuri lihet në liri, i njëjti mund të jetë i pa arritshëm për procedurën penale, ka rrezik të ikjes, po ashtu gjykata vlerësoj se nëse i pandehuri do të jetë në liri mund të asgjësojë, fshehë, ndryshojë ose falsifikojë provat e veprave penale ose do të pengojë rrjedhën e procedurës penale.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.