Deputeti gjerman, Christian Shmidt gjatë një konference për media sot në Prishtinë kanë folur edhe rreth idesë për shkëmbimin e territoreve ndërmjet Kosovës dhe Serbisë, si pjesë e një marrëveshjeje të mundshme.

Ai tha se diskutimet për shkëmbime territoriale vazhdojnë të jenë të rrezikshme.

“Për sa i përket temave që prekin politikën e jashtme ne do të kishim disa udhëzime, kjo ka të bëjë së pari me atë që ne rrugën e Kosovës për integrimin evropian nuk e shohim që të jetë me e lehtë, në qoftë se vazhdojmë të flasim për shkëmbim territorial, përkundrazi mendojmë se kjo çështje është jashtëzakonisht e rrezikshme”, deklaroi Shmidt, shkruan Reporteri.net.

Kujtojmë se sot dy deputetët gjerman, Peter Beyer dhe Christian Shmidt kërkuan që sa më parë të krijohen institucionet e reja, duke u bërë thirrje VV-së të takohen e mos të flasin në media pa u arritur marrëveshja. /Reporteri.net/.