Policia e Kosovës në angazhimet e saj aktive në parandalimin dhe luftimin e veprave kriminale, konkretisht Drejtoria për hetimin e trafikimit me narkotikë (DHTN)-njësia në Prizren më datë 20.04.2021, në ora 18:10, ka ndaluar automjeti WV Golf 4 (targat e njohura për policinë) në të cilin ndodheshin tre (3) persona të dyshuar meshkuj kosovar.

Gjatë realizimit të kontrollit tek të dyshuarit janë gjetur dhe sekuestruar përkohësisht:
-Substancë e dyshuar narkotike e llojit Marihuanë me peshë 7.19 gram,
– një (1) thikë,
– një (1) pako me rizlla dhe
– tre (3) telefona celular.

Siç njofton policia, personat e dyshuar janë arrestuar dhe shoqëruar në ambientet policore për procedura të mëtejme ligjore.

Në vazhdën e veprimeve të mëtejme policore, me urdhër verbal të Prokurorit kompetent dhe pëlqimin e Gjyqtarit të Procedurës Paraprake, njësitë e antidrogës në Prizren, me asistim edhe të njësiteve tjera rajonale kanë zhvilluar kontrollin e shtëpisë dhe objekteve përcjellëse pronë e të dyshuarit (F.A.) dhe gjate kontrollit janë gjetur dhe sekuestruar përkohësisht:
• Substance e dyshuar për narkotike e llojit Marihuane me peshe 8.49 gram
• një (1) pistoletë e tipit M 57 7.6 mm, me një karikator dhe tre (3) fishek
• një (1) pistoletë me gaz me mbishkrimin ,,Class Magnum“,
• tre (3) fishek, municion kalibër i panjohur
• një (1) thikë me hapje,
• një (1) shufër gome
• një (1) qese najloni me qese të vogla të zbrazëta
• një (1) pako me rizlla

• një (1) boks metali ngjyrë e zezë
Personat e dyshuar janë intervistuar në lidhje me rastin në prezencë të avokatit mbrojtës dhe në konsultim me prokurorin kompetent, njëri nga të dyshuarit (F.A) dërgohet në ndalim policor për 48 orë, ndërsa dy të dyshuarit tjerë lirohen në procedurë të rregullt.
Rasti është në proces hetimor nga njësia kompetente e antidrogës në rajon.