Janë bërë tashmë pesë ditë prej kur Qeveria e Kosovës vendosi reciprocitetin me targa ndaj Serbisë. Dhe që nga ajo ditë serbët lokalë kanë bllokuar rrugët kryesore në Bërnjak dhe Jarinje.

Deri më tani nuk ka pasur asnjë incident përpos provokimeve të herëpashershme me thirrje e këngë serbe.

Kështu ka ndodhur edhe sot, gjatë ndërrimit të Njësive të Policisë së Kosovës, në Jarinje.

Në pamjet e mëposhtme shihet se gjatë kohës kur bëhet ndërrimi i njësive të Policisë, ka provokimeve me këngë nacionaliste nga serbët lokalë që po protestojnë.