Nuk e paguan bërllokun, kompania UNITET-i i çon tek përmbaruesi PDK-në, LDK-në e VV-në në Mitrovicë

Lajme

Nuk e paguan bërllokun, kompania UNITET-i i çon tek përmbaruesi PDK-në, LDK-në e VV-në në Mitrovicë

Reporteri

25 Qershor 2021 | 17:40

Ani pse është një nga pagesat më të ulta për shërbime, mbledhja e mbeturinave nuk po paguhet si duhet.

E kampion në borxhe, si duket, janë partitë politike që përtojnë të japin para, shkruan “Jepi zë”.

PDK-ja, LDK-ja e VV-ja siç shihet nga dokumentet, nuk kanë paguar thuajse kurrë për bërllok. Duke ditur që pagesa është disa euro, kuptohet se duhet vite që ky borxh të akumulohet.

Lexo edhe:

Deputetët mblidhen nesër në tentativën e 21-të për konstituimin e Kuvendit, bllokada hyn në muajin e dytë

Lansimi i programit Master për Energjetikë, Bajrami-Kurtit: Asnjë meritë s’e keni, lëri punët e të tjerëve

Presidentja Osmani në SHBA takon një delegacion të Kongresit amerikan, thekson rëndësinë e forcimit të raporteve

PDK-ja ka më së shumti borxhe në UNITET. Ajo detyrohet të paguajë hiç më pak se 1726 euro.

Pas saj vije LDK-ja, e cila ka më pak. Sipas dokumentit, LDK-ja ka 992 euro borxh për mbeturina.

VV-ja është e treta, por shuma nuk është e vogël. Kjo parti i detyrohet UNITET-it 471 euro.

Sidoqoftë, kompania ka vendos që të mos e lë në nder të partive këtë borxh. UNITET-i ka nisur procedurë përmbarimore ndaj këtyre tri partive.

Siç shihet në dokumentet e siguruara nga “Jepi zë”, partitë kanë afat vetëm një javë për të shlyer borxhet.