Qytetarët e Kosovës për shkak të pandemisë së coronavirusit kanë të drejtë lëvizje vetëm 3 orë në ditë, nga 1 orë e gjysmë sa ishin.
Edhe pse policia çdo ditë tregon për dhjetëra persona të ndaluara për shkak se nuk po i respektojnë masat, kjo siç duket fare nuk ju bën përshtypje disa qytetarëve të kryeqytetit të cilëve siç duket nuk po iu dalin 3 orët që i kanë në dispozicion për lëvizje.
Disa banorë të lagjes “Dardania” në kryeqytet sonte janë tubuar dhe kanë luajtur basketboll e futboll.
Një banore e kësaj lagjeje ka dërguar foto dhe video në redaksinë e Reporteri.net ku shihet se si një grup personash luajnë basketboll thuajse është një ditë normale pranvere, dhe jo kohë e përballjes me coronavirusin dhe respektimit të masave në luftë ndaj virusit.
/Reporteri.net/.