Nuk ka kaluar në Kuvend mocioni i LDK-së për shkarkimin e bordit të ZRRE-së, shkruan Reporteri.net.

Për shkarkim e këtij bordi kanë votuar 22 deputetë, ndërsa 53 kanë qenë kundër, shkruan Reporteri.net.

Kundër shkarkimit të këtij bordi ka qenë Lëvizja Vetëvendosje.

Shefja e Grupit Parlamentar të Lëvizjes Vetëvendosje, Mimoza Kusari-Lila, ka deklaruar se VV-ja është kundër shkarkimit të Bordit të ZRRE-së për shkak se nuk janë ofruar arsyetime të bindshme për një vendim të tillë.

“Nuk e ka pasur arsyetimin e bindshëm që duhet të ndërtohet në një rrethanë të tillë, kur brenda më pak se një viti kërkohet shkarkimi i Bordit që është emëruar po nga ky Kuvend. Në Ligjin për Rregullatorin e Energjisë parashihen saktësisht situatat kur krijohen kushtet për shkarkimin e bordit”, ka thënë Kusari-Lila.