Deputetët e Kuvendit të Kosovës sërish nuk i kanë dhënë votat e duhura Projektligjit për Mbrojtjen e Vlerave të Luftës së UÇK-së.

Ky Projektligj nuk i mori votat e duhura shkaku i mungesës së kuorumit.

Kryetarja e Kuvendit, Vjosa Osmani tha se vetëm 40 deputetë morën pjesë në votim, dhe kjo pikë do të sillet për votim sërish në seancën e ardhshme.

“40 deputetë kanë marrë pjesë në votim, për shkak të kuorumit i njëjti hidhet në votim në një rast tjetër”, tha Osmani.

I njëjti projektligj nuk kishte kaluar as në seancën e datës 13 gusht, përshkak të mungesës së kuorumit.

Në atë seancë vetëm 36 deputetë kishin marrë në pjesë në votimin e projektligjit të propozuar nga Partia Demokratike e Kosovës.