Po vijon numërimi i votave me kusht dhe votave të personave me nevoja të veçanta. Deri në ora 10:00 në Qendrën për Numërim dhe Rezultate janë numëruar 21 mijë e 607 vota.
Sipas rezultateve të publikuara nga Komisioni Qendror i Zgjedhjeve, Vetëvendosje vazhdon të mbetet partia e parë me më së shumti vota, për VV-në janë 6 mijë e 329 vota.
Pas VV-së, radhitet Partia Demokratike e Kosovës e cila ka marrë 4 mijë e 680 vota.
Për Lidhjen Demokratike të Kosovës, janë 4 mijë e 255 vota. Koalicioni AAK-PSD sipas votave të numëruara deri tani ka 2 mijë e 887 vota, kurse për koalicionin NISMA-AKR-PD janë 1 mijë e 114 vota.
Procesi i numërimit të votave me kusht dhe votave të personave me nevoja të veçanta ka filluar gjatë ditës së djeshme.
Numri i votave me kusht në nivel vendi është rreth 26 mijë e 400, ndërsa numri i votave të personave me nevoja të veçanta është rreth 2 mijë e 150.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
