Gazetari Ridvan Berisha është përplasur ashpër në një lidhje direkte me kryetarin e Sindikatës së Pavarur të RTK-së, Fadil Hoxha.

Berisha ka thënë se e do Kadri Veselin “me loçkë e me shpirt”, ndërsa Hoxha duke qeshur i tha se këtë nuk e kishte pranuar më parë duke e quajtur “ekskluzive” deklaratën e Berishës.

“Unë sot nuk jam në ekran të RTK-së por RTK-ja edhe pa mua sot ka ngjyra, ka pluralizëm. Unë s’kam qenë asnjëherë drejtor gjeneral i RTK-së, nuk kam asnjë arsye ta mbajë avokatinë e tyre. Unë po ta them që me loçkë e shpirt e du, sa me e ditë, Kadri Veselin”, tha Berisha.

“Ekskluzive kjo, për herë të parë e tha”, ka shtuar Hoxha.

“O me shpirt e du Kadri Veselin o bablok, se ti veç këtë gjuhë e kupton. Ti me më shit mend mu për demokraci është si me i shit mend Enver Hoxhës në kohën kur intimidimi i lirisë së shprehje ka qenë doktrinë e sistemit”, i është përgjigjur Berisha në Kanal 10.