Organizata CIVICUS është një organizatë jofitimprurëse ndërkombëtare dhe e përshkruan vetën si një aleancë globale e cila është e përkushtuar për forcimin e veprimit të qytetarëve dhe shoqërisë civile në të gjithë botë.

Së fundmi kjo organizatë ka reaguar për sulmin ndaj gazetarit të Gazetës Online “Reporteri.net”, Shkumbin Kajtazi, të cilit u tentua t’i digjej vetura e tij private.

Sipas tyre, sulmet e tilla ndaj gazetarëve të Kosovës janë të papranueshme, të cilat e shkelin rëndë lirinë e shprehjes dhe rrezikojnë klimën e gazetarisë në Kosovë.

CIVICUS numëron më shumë se 8500 anëtarë në më shumë se 175 vende dhe ka selinë në Johannesburg dhe zyrat në Gjenevë e New York.

Kajtazi muaj më parë, përmes një postimi në llogarinë e tij në Facebook, pati bërë të ditur se në rrugën “Evlia Çelebia” në Mitrovicë, një person kishte tentuar ta digjte me benzinë veturën e tij. Këtë akt, sipas gazetarit e kanë parandaluar banorët e kësaj rruge, të cilët e kishin njoftuar edhe Policinë e Kosovës.

/Reporteri.net/