U.d. e presidentit të Kosovës, Vjosa Osmani, sot ka pritur në takim kryeministrin Avdullah Hoti.

Takimi është mbajtur në vazhdën e koordinimit dhe bashkërendimit ndërinstitucional.

Përmes një njoftimi për medie nga presidenca, bëhet e ditur se në takim janë diskutuar aspekte të përgjitshme të funksionimit në vend.

“Kryeministri Hoti e ka njoftuar u.d. e presidentes, Osmanin, për hapat e ndërmarrë në menaxhimin e pandemisë, dialogun me Serbinë, aspekte të politikës së jashtme dhe si dhe çështje të sigurisë. Ndërkaq u.d. presidentja Osmani ka shtruar nevojën e koordinimit institucional në përballje me pandeminë Covid-19, në këtë situatë të vështirë, në mënyrë që të zvogëlohen pasojat në njerëz nga kjo pandemi”, thuhet në njoftim.