Kryeparlamentarja Vjosa Osmani, i është kundërpërgjigjur emisarit special të SHBA-ve në dialogun Kosovë-Serbi, Richard Grenell, duke thënë se njohja e Kosovës nga Serbia nuk është simbolikë.

Përmes një komunikimi në rrjetin social Twitter, Osmani i ka thënë Grenell se delegacioni i Kosovës nuk ishte transparent dhe ata duhet të marrinë përgjegjësinë për ato që premtojnë publikisht, duke aluduar në premtimin për njohje reciproke, shkruan Reporteri.net.

“Njohja e Kosovës nga Serbia nuk është simbolizëm. Është njohje e një realiteti të cilin ShBA’ja ishte e para që e ka bërë. Për ta quajtur shtetin që është një projekt i përbashkët mes popullit të Kosovës dhe ShBA’së, një ‘simbolizëm’ I zvogëlon investimet dypartiake të ShBA’së për një dekade në Kosovë. Dhe jo ne nuk kemi luftuar me Serbinë për “fjalë, mbiemra dhe simbolizma” por kemi luftuar për liri, ne kemi luftuar kundër gjenocidit. Delegacioni i Kosovës nuk ishte transparent. Ata thanë që do të sjellin njohjen reciproke me Serbinë. Ata duhet të marrin përgjegjësi për çfarë janë zotuar publikisht”, ka shkruar Osmani.

Kjo kundërpërgjigje e Osmanit vjen pasi Emisari Special Richar Grenell i ka thënë Osmanit se di vetëm të ankohesh e nuk ofron ide pasi marrëveshja e arritur është ekonomike që krijon vende punë e jo simbolizëm.

Osmani më pastaj ka shkruar në postimin e Grenellit se pajtohet që simbolizmi nuk krijon vende pune, por atë nuk mund ta bëjnë as politikanë e korruptuar në Kosovë që e kanë shkatërruar ekonominë për 20 vjet.

“Pajtohem. Simbolizmi nuk mund të krijojë vende pune. Por këtë nuk mund ta bëjnë as politikanë e korruptuar dhe gënjeshtarë në Kosovë të cilët kanë udhëhequr vendin dhe kanë shkatërruar ekonominë tonë për 20 vjetët e kaluara”, ka shkruar Osmani.

Recognition of Kosovo by Serbia is NOT symbolism. It is recognizing a reality which the US was among the first to do. Calling our statehood, which is a joint project b/w the people of Kosovo & the US a ‘symbolism’ minimizes the decade long U.S. bipartisan investment in Kosovo.1/2 https://t.co/NnMLwjIuK5

— Vjosa Osmani (@VjosaOsmaniPRKS) September 5, 2020

Agreed. Symbolism can’t create jobs. Neither can crooked & corrupted politicians in Kosovo who have been ruling our country & destroying our economy for the past 20 years. https://t.co/hVC85OFvnP

— Vjosa Osmani (@VjosaOsmaniPRKS) September 5, 2020