Presidentja Vjosa Osmani së bashku me homologun e saj austriak Alexander Van der Bellen dhe Zonjën e Parë Doris Schmidauer, ishin në Mauthausen për ceremoninë e 80 vjetorit të çlirimit të Kampit të përqëndrimit.

Osmani thotë se miqësia me Austrinë mbetet një shtyllë e fortë e rrugëtimit tonë evropian, shkruan Reporteri.net.

“Kosova është e përkushtuar për procesin e integrimit euro-atlantik, e në këtë rrugëtim është e bekuar të ketë në krah miq sikurse Austria”, ka shkruar ajo.

Postimi i plotë i presidentes:

Miqësia me Austrinë mbetet një shtyllë e fortë e rrugëtimit tonë evropian. 🇽🇰🇦🇹

Me Presidentin austriak Alexander Van der Bellen dhe Zonjën e Parë Doris Schmidauer, ishim në Mauthausen për ceremoninë e 80 vjetorit të çlirimit të Kampit të përqëndrimit.

Para ceremonisë përkujtimore, patëm një diskutim të sinqertë e përmbajtësor për miqësinë tonë të qëndrueshme e përkrahjen e çmuar të Austrisë në çdo etapë të shtetndërtimit të Kosovës.

Kosova është e përkushtuar për procesin e integrimit euro-atlantik, e në këtë rrugëtim është e bekuar të ketë në krah miq sikurse Austria.