Ushtruesja e Detyrës së Presidentit, Vjosa Osmani, është duke qëndruar për një vizitë dy ditore në Bruksel.

Ajo sot ka takuar Komisionerin për Zgjerim të BE-së, Oliver Varhelyi.

Lajmin për këtë e kanë konfirmuar nga Brukseli.

“Komisioneri Varhelyi pret ushtruesen e detyrës së Presidentit, Vjosa Osmanin”, thuhet në njoftim.

Gjatë qëndrimit në Bruksel, presidentja në detyrë do të takohet edhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian: Rainer Wieland, zv.presidenti i PE-së, Lukas Mandl (EPP), Viola von Cramon- Taubade, raportuese për Kosovën në PE, Ilhan Kyuchyuk, nga Grupi Reneë dhe Andrey Kovatchev, nënkryetar i EPP-së.

Ndërkaq, sonte në mbrëmje, Osmani do ta ketë një takim me emisarin e BE-së për dialogun Prishtinë-Beograd, Miroslav Lajçak.

https://twitter.com/EC_AVService/status/1348940918704005120?ref_src=twsrc%5Etfw%7Ctwcamp%5Etweetembed%7Ctwterm%5E1348940918704005120%7Ctwgr%5E%7Ctwcon%5Es1_&ref_url=https%3A%2F%2Fgazetablic.com%2Fu-d-e-presidentit-osmani-ne-bruksel-takon-komisionerin-per-zgjerim%2F