Presidentja Vjosa Osmani ka pritur në takim lamtumirës Ambasadorin e Italisë në Kosovë, Antonello De Riu.

Në këtë takim, Osmani ka thënë se mbështetja e Italisë mbetet thelbësore për Kosovën në rrugëtimin e saj drejt integrimit euroatlantik, shkruan Reporteri.net.

“Ajo nënvizoi nevojën për angazhim të mëtejshëm të Italisë si një partnere strategjike, veçanërisht në forcimin e pozitës së Kosovës në arenën ndërkombëtare”, thuhet në njoftim.

Ajo e ka falendëruar ambasadorin De Riu për kontributin e tij gjatë mandatit në Kosovë dhe ka vlerësuar lart angazhimin e tij për forcimin e marrëdhënieve ndërmjet dy shteteve.

“Ajo i ka uruar suksese të mëtejshme në angazhimet e tij të ardhshme diplomatike, duke theksuar se miqësia dhe partneriteti ndërmjet Kosovës dhe Italisë do të mbeten gjithmonë të qëndrueshme dhe të bazuara në vlera të përbashkëta”, thuhet në njoftim./Reporteri.net