Në Viti janë paraqitur 12 raste të reja me Coronavirus. Kryetari Sokol Haliti ka thënë se rastet e reja lidhen me infektimin e një studenti që ka ardhur nga Prishtina në Viti.

“Rastet e reja janë të lidhura me familjen e studentit dhe miqësitë e familjes së tij. Si duket studenti nga Prishtina e ka marrë Coronavirusin”, tha ai në Rtv Dukagjini..

Haliti thotë se situata tashmë është më e vështirë se kur janë paraqitur rastet e para.

“Në momentin kur në sheshe dalin pesë mijë persona është vështirë të respektohen masat”.

Haliti thotë se që nga fillimi ka qenë i mendimit që masat nuk duhet të shtrëngohen shumë aq sa e pengojnë ekonominë por sipas tij jo edhe në masën që të lirohen shumë, përcjell Telegrafi.

“Situata në Prishtinë po shihet si ka shkuar. Prishtina është burim për gjithë Kosovën”.

Kryetari i Vitisë thotë se edhe grumbullimi në objektet fetare mund të paraqesë rrezik për përhapje infeksioni.