Pak para mbledhjes së kryesisë, ambasadori britanik viziton LDK-në

Ambasadori britanik në Kosovë, Nicholas Abbott, është parë në afërsi të selisë së Lidhjes Demokratike të Kosovës.


Prezenca e tij aty është vërejtur pak para nisjes së mbledhjes së kryesisë së partisë.

Në mbledhje pritet të caktohet data për zgjedhjen e kryetarit të ri të LDK-së, pasi ditë më parë kryetari aktual Isa Mustafa dha dorëheqje.

Dorëheqja ndodhi për shkak të rezultatit të dobët zgjedhor.

Mbledhja pritet të nis në orën 16:30, teksa tashmë kanë nisur të grumbullohen anëtarët e kryesisë së partisë.