Anëtari i AAK-së, Pal Lekaj, ka thënë se Gjykata Speciale është e padrejtë dhe se xhelati i Ballkanit, që është munduar të zhdukë shqiptarët nga Kosova është Serbia.

“Kur u vendos në Kuvend për tu votuar, unë nuk ngrita dorën dhe për këtë jam krenar. Si AAK kemi qenë kundër. Si mund të besohet në thashethemet e Dick Marty. Thashetheme të lindura në Rusi. Lufta jonë ka qenë e drejtë dhe ne e kemi mbrojtur atë”, thotë ai.

“Ramush Haradinaj ka mbrojtur dy herë pafajësinë e tij. si mund të barazohet xhelati me viktimën”, tha ai në DPT te Fidani.

“Kemi menduar se drejtësia ndërkombëtare bazohet në norma dhe ligje e nene. Kjo nuk ndodhi. Mënyra si u publikua aktakuza ishte e pabesueshme. Në një kohë kur Thaci po bëhej gati të nisej në Uashington për të drejtuar dialogun. Kjo është e papranueshme”, përfundon ai.