Qeveria e Kosovës, Prishtinën e ka futur në “zonën e kuqe” për shkak të numrit të madh të rasteve me koronavirus.

Si rrallëherë, Prishtina është e “vdekur” këtë mbrëmje. E gjithë kjo atmosferë e zymtë dhe pa asnjë qytetarë rrugëve të kryeqytetit është për shkak të masave që ka marrë Qeveria e Kosovës kundër përhapjes së koronavirusit, shkruan lajmi.net.

Prishtina është komuna me më së shumti raste me koronavirus dhe kjo ka bërë që të jetë edhe në “zonën e kuqe”, apo zonën me rrezikshmëri të lartë në bazë të vendimit të Qeverisë së Kosovës.

Sipas këtij vendimi, komunat që janë me rrezikshmëri të lartë nga ora 19:00 e deri në orën 05:00, ndalohet çdo aktivitet i bizneseve si dhe lëvizja e qytetarëve.

Më poshtë lajmi.net ju sjell fotografi dhe video nga disa pjesë të kryeqytetit.