Një qytetar i Prishtinës ka treguar se uji që vije nga ujësjellësi në lagjen Mati I, është në gjendje të tmerrshme.

Ky ujë siç shihet edhe në pamje është krejtësisht i zi dhe përveç që nuk është i pijshëm nuk mund të përdoret as për pastrim.

Qytetari ka treguar se pas dy javësh pa ujë në momentin që iu është kthyer furnizimi, uji ka qenë i pa pijshëm dhe i pa përdorshëm, raporton gazeta infokus.

“Ky është uji që vjen në lagjen Mati 1 rruga “Lot Vaku” ose nuk kemi uji hiq qe 2 javë. E thërrasim ujësjellësin nuk intervenon të lutem bëjeni publik ndoshta intervenon e rregullojnë sepse është e papërballueshme në këto temperatura pa ujë”, ka thënë ai.

Me probleme të tilla me ujin e pijshëm kohëve të fundit qytetarët po përballen edhe në rajonin e Dukagjinit.

Përderisa të dielën 900 qytetarë në Deçan janë helmuar dhe po dyshohet se deri te helmimi ka ardh pikërisht nga uji që vjen nga ujësjellësi.