Një sulm ka ndodhur të hënën mbrëma në qendër të Vjenës, ku raportohet se ka edhe persona të vrarë.

Policia ka konfirmuar sulmin përmes një postimi në Twitter.

Mediat e huaja raportojnë për të paktën dy viktima. Një polic që ka qenë në vendin e ngjarjes ka pësuar lëndime të rënda dhe është në rrezik për jetën.

Ministria e Brendshme e Austrisë, duke folur për agjencinë austriake të lajmeve APA është shprehur behet fjalë për një sulm terrorist ose sulm “amok”, transmeton albinfo.ch.

Njëri nga kryesit e sulmit thuhet se ka vdekur, ndërsa një tjetër mund të jetë në arrati.

“Ne jemi me të gjitha forcat e mundshme në veprim” ka shkruar policia në Twitter. “Ju lutemi shmangni të gjitha vendet publike në zonën e qytetit” thuhet në njoftimin e bërë nga ajo. Shumë njerëz janë larguan me panik nga zona e rrezikut.

Sipas raporteve të medias, një sulmues mbante rreth trupit një rrip me materie shpërthyese të cilën e ka aktivizuar. Në videot që qarkullojnë në rrjetet sociale mund të dëgjohen të shtëna ga armë gjysmë automatike.

Policia e Vjenës ka treguar se forca të mëdha të policisë kanë dalur në vendin e ngjarjes dhe po kthejnë rendin në kryeqytet.

Shumë shpejt kanë treguar se do të dalin me detaje në lidhje me sulmin.