Siç e ka bërë zakon, takimet e kryeministrit Rama dhe kryeministres italiane Giorgia Meloni janë gjithmonë ndryshe dhe jashtë kornizave.

Ditën e djeshme para nisjes së samitit që mblodhi liderë nga e gjithë Evropa, në sheshin Skënderbej, Rama i është ulur në gjunjë Melonit, diçka që nuk e bën për herë të parë.

Ndonëse veprimi i Ramës me Melonin është i parë edhe më parë, pamjet janë bërë virale, madje deri në Arabinë Saudite, transmeton gazeta online Reporteri.net.

Al Arabiya, një kanal televiziv ndërkombëtar lajmesh arabe ka publikuar videon në faqen e tyre në Tik-Tok duke marrë mbi 1.4 milionë shikime.

@alarabiya تحت الأمطار الغزيرة.. رئيس وزراء ألبانيا إيدي راما ينحني على ركبته لاستقبال نظيرته الإيطالية جورجيا ميلوني لدى وصولها إلى القمة السادسة للمجموعة السياسية الأوروبية في تيرانا #العربية ♬ original sound – العربية

Kujtojmë se për herë të parë Rama i ishte ulur në gjunjë Melonit pikërisht në Abu Dhabi, ku të dy liderët ndodheshin në një forum ndërkombëtar. Këtë veprim Rama e kishte bërë në ditën kur Meloni po festonte ditëlindjen, duke ia bërë edhe një dhuratë./Reporteri.net/