Ish-sekretari i Shoqatës së Infermierëve, Mamive e Profesionistëve Shëndetësorë, Enlirat Duraku, ka 20 ditë që ka hyrë i vetëm në grevë urie e edhe të etjes për shkak të 3 kërkesave që lidhen me pagesat e punonjësve shëndetësorë.

Duraku ka njoftuar se tashmë është arritur që njëra nga këto kërkesa të realizohet, është pikërisht ajo që ka të bëjë me pagesën e ndërrimit të natës nga 18 euro të bëhet në 36 sosh.

Kjo pasi që është bërë një amendamentim nga Komisioni për shëndetësi.

E në orën 14:00 Kuvendi veç se pritet të miratojë në lexim të dytë projektbuxhetin e vitit 2021.

Përmes një statusi në Facebook ka falënderuar të gjithë ata që u angazhuan që kjo kërkesë të realizohet.
Ndryshe Duraku ishte i prekur dhe me Covid dhe refuzonte të merrte terapinë antiCovid.

Ky është postimi i tij i plotë:

Pagesa e ndërrimeve të natës nga 18€ në 36€.
Falemnderit të gjithëve që u angazhuan që kjo të realizohet.
Në veqanti Bekim Haxhiu Fitim Uka Arben Vitia Teuta Haxhiu
Me respekt
Enlirat K. Duraku
Infermier i thjeshtë