Donika Gërvalla e bija e heroit të kombit, Jusuf Gërvalla ka reaguar pas ngritjes së aktakuzës ndaj Hashim Thaçit dhe Kadri Veselit.

Gërvalla ka postuar një fotografi me aktivistët e LDK’së që janë vrarë pasluftës.

“Me Ju dhe fatkeqësisht shumë e shumë të tjerë si Ju! Me familjet tuaja!
Dje. Sot. Nesër. Përherë! Pa fije kompromisi! Deri sa edhe vrasësi i fundit i juaj të dalë para drejtësisë”, ka shkruar ajo në përshkrimin e fotografisë.

Kujtojmë se presidenti Thaçi sot konfirmoi se Specialja ka ngritur aktakuzë ndaj tij, kurse dje u ngrit aktakuza ndaj Kadri Veselit e Rexhep Selimit, ndërsa u arrestua Jakup Krasniqi pas 9 orë bastisje.