Ambasada e Mbretërisë së Bashkuar në Kosovë, përmes profilit të saj në Tëitter u ka bërë thirrje të gjithëve që të respektohet Kushtetuta e Kosovës dhe votëbesimi ndaj Qeverisë së Kosovës që ndodhi më 25 mars në Parlament.

“Mbrojtja e popullit të Kosovës gjatë kësaj urgjence shëndetësore duhet të jetë primare, nga Qeveria në detyrë apo Qeveria e re”, thuhet aty.

Kujtojmë se pas rrëzimit të qeverisë Kurti, kanë qenë SHBA’ja dhe Gjermania, që kanë reaguar zyrtarisht që vendi të ketë qeveri të formuar përmes procesit kushtetues. Bile gjermanët kanë qenë më të drejtpërdrejtë duke kërkuar qeveri të re.

Në një deklaratë për media, të lëshuar dje në mëngjes, nënkryetari i grupit parlamentar të CDU/CSU, Johann Wadephul, si edhe dy raportuesit për Kosovën, Peter Beyer (CDU) dhe Christian Schmidt (CSU), kanë kërkuar krijim sa më të shpejtë të qeverisë së re.