Pas Haxhi Shalës, AAK-së i bashkohet edhe një asambleiste e Nismas në Suharekë

Asambleistja komunale në Suharekë njeherit edhe kryetare e gruas në Nismën e Suharekës, Albana Bytyqi ka aderuar në Aleancën për Ardhmërinë e Kosovës (AAK).


Lajmin e ka bërë të ditur Kryetari i Aleancës per Ardhmërinë e Kosovës në Suharekë, Bali Muharremaj në Facebook në të cilën ka bashkangjitur edhe një fotografi me asambleisten Albana Bytyqi.

Albana Bytyqi nga sot aderoi në AAK. Kontributin e saj politik e vlersoj dhe natyrisht angazhimi i saj në të ardhmen nuk do të mungoj. Ajo si asambleiste tash do ti takoj grupit të AAK-së në Asamblenë Komunale në Suharekë. I uroj mirëseardhje dhe suksese në të ardhmen”, ka shkruar Muharremaj.

Edhe vet Albana Bytyqi ka konfirmuar largimin nga NISMA, duke thënë se kontributin e saj do ta japë si asambliste e AAK-së.

“Unë si Kryetare e Gruas së Nismës Socialdemokrate dega në Therandë, si asambleistja më e votuar në këtë subjekt, jap dorëheqjen time nga ky subjekt politik, dhe tash e tutje angazhimi im politik do të vazhdoj në AAK. Po’ashtu kontributi im në Asamblenë Komunale do të vazhdoj brenda grupit të AAK-së. Dua ti falenderoj përzemërsisht të gjithë mbështetësit dhe përkrahësit të cilët më votuan. Do të mbetem zëri i tyre dhe asnjëherë nuk do ta kenë braktisjen, por angazhimin e sinqertë dhe institucional. Rrugëtimin tim do të vazhdoj së bashku më deputetin z.Haxhi Shala i cili çdo herë ishte zëri ynë, si në Kuvendin e Kosovës, por edhe në organet e partisë!”, ka shkruar ajo në Facebook.