Deputetja e VV-së, Fitore Pacolli, është parë duke pirë kafe me kolegë, anëtarë të Lëvizjes Vetëvendosje, pas kërcënimit publik që ua bëri mediave në seancën e Kuvendit.

Ajo ka shpërndarë një fotografi në Facebook ku shihet nën shoqërinë e Ministres Albulena Haxhiu dhe kolegët Armend Muja dhe Adnan Rrustemi, me ç’rast tha se seanca e sotme ishte shumë produktive.

“Pas seancës së shkurtër por shumë produktive ?…”, ka shkruar Pacolli.

Ndryshe, deputetja e Lëvizjes Vetëvendosje, parti kjo që ka pushtetin absolut sot në Kosovë, Fitore Pacolli, gjatë fjalës së saj në Kuvendin e Kosovës ka bërë thirrje qe Kuvendi dhe Qeveria të marrin masa ndaj mediave në Kosovë, meqë sipas saj, në raportin e Parlamentit Evropian thuhet që “kohëve të fundit janë vërejtur investime të mëdha private në media”.

Siç pretendon Pacolli në fjalën e saj në Kuvend, ky raport thotë se përmes investimeve të tilla private është rritur edhe mundësia e ndikimit në disa mediume kryesore në vend dhe në ato online.

Teksa ka përmendur si burim të fjalëve të saj këtë raport të Parlamentit Evropian, Pacolli ka kërkuar vëmendjen e Kuvendit dhe të Qeverisë për të marrë masa dhe për të kuptuar se çfarë po ndodh me funksionimin e mediave si dhe indetifikimin e pronësisë së mediave në Kosovë.

“Viteve të fundit janë vërejtur investime të mëdha private në media, përmes të cilave është krijuar mundësia e ndërhyrjes dhe ndikimit në disa mediume kryesore dhe në ato online, të cilat po përdoren për qëllime biznesore dhe për shantazh politik. Pra këtu kërkojmë vemdnjen e Kuvendit dhe qeverisë që të marrim masa dhe të kuptojmë më shumë se çfarë po ndodh me funksionimin e mediave, transparencën si dhe me indentifikimin e pronësisë së mediumeve”, ka thënë Pacolli në Kuvendin e Kosovës teksa ka folur për raportin e Parlamentit Evropian për Kosovën.

Fitore Pacolli e hupë kontrollën, i kërkon Qeverisë e Kuvendit të marrin masa ndaj mediave

AGK i reagon Pacollit: E papranueshme thirrja për kontroll të mediave nga Qeveria