Tashmë është konfirmuar edhe nga vet Luan Dalipi, Shefi i Stafit të kryeministrit në detyrë, Albin Kurtit, vëllai i tij, Driton Dalipi ka aplikuar për licensë për furnizim me energji elektrike në vend.

Driton Dalipi me kompaninë MDA, është rrugës për t’i hyrë tregut të energjisë elektrike .

E vëllai i tij, Luan Dalipi i cili la MDA-në për tu bërë shef i kabinetit të Kurtit, është përfolur disa herë në media, sidomos për pasurinë e tij e cila kap shifrën milionëshe.

Edhe këtë vit, në Agjencinë për Parandalimin e Korrupsionit, Luan Dalipi ka deklaruar se është pronar i një banese me vlerë 110 mijë euro, një dep0 6 mijë euro dhe një garazhe 3 mijë e 200 euro. Veç kësaj, ai ka edhe një shtëpi në pronësi të përbashkët e cila kushton hiç më pak se 950 mijë euro.

Veç kësaj, shefi i kabinetit të Kurtit vozit veturë Mercedes Benz, e cila siç ka deklaruar ai, i ka kushtuar 35 mijë euro.

Dalipi i ka 2 mijë e 600 euro të kursyera në emër të tij në bankë, dhe afër 60 mijë euro në pronësi të bashkëshortes.

Si pagë vjetore, përpos meditjeve, ai ka deklaruar 15 mijë euro nga Zyra e Kryeministrit.