Partia Demokratike e Kosovës përmes një konference për media ka reaguar për shkarkimin e Valdete Dakës nga pozita e kryetares së KQZ-së.

Blerta Deliu, deputete e kësaj partie në një konferencë për media ka thënë se presidentja Vjosa Osmani ka shkelur Kushtetutën me shkarkimin e Dakës.

Ajo ka kërkuar nga Ambasadat e shteteve të huaja që janë në Kosovë të reagojnë për shkarkimin e Dakës.

“PDK fton të gjitha ambasadat e vendeve të QUINT-t të reagojnë urgjentisht për cenimin e institucioneve të pavarura kushtetuese në Kosovë, përndryshe mosreagimi i tyre konfirmon kapjen e këtyre institucioneve të pavarura”, tha Deliu-Kodra, shkruan Reporteri.net.

Deliu-Kodra më tej tha se sot presidentja Osmani me urdhra politik të Kurit dhe VV-së e goditi pavarësinë e KQZ-së. /Reporteri.net/.