Kryetari i Partisë Demokratike të Kosovës, Kadri Veseli, ka takuar sot deputetët e rinj të PDK-së, ku është diskutuar për mbarëvajtjen e seancës konstituive të Kuvendit.

Në këtë mbledhje të Grupit Parlamentar, PDK ka emëruar Bedri Hamzën shef të Grupit Parlamentar, ndërsa deputetin Memli Krasniqi do ta propozojnë për pozitën e Nënkryetarit të Kuvendit, ka njoftuar PDK.

Seanca konstituive e Kuvendit mbahet në ora 15:00, por pasi VV e LDK nuk kanë arritur marrëveshje për koalicion qeverisës nuk pritet të konstituohet Kuvendit, përveçse të bëhet betimi i deputetëve. /Reporteri.net/.