Ministri i Bujqësisë si dhe kryetari i Partisë Guxo, Faton Peci ka vizituar mërgimtarët në Zvicër.

Peci ka thënë se mërgata në Zvicër ka qenë dhe mbetet me entuziazëm e vullnet pranë atdheut dhe fatit të tij.

Ai tutje ka thënë se mërgata është një shtyllë në rindërtimin dhe shtetndërtimin e Kosovës.

Postimi i plotë i tij:

GUXO NË ZVICËR

Në një Kuvend impozant në të cilin morën pjesë 120 delegatë, përfaqësues të mërgatës tonë nga të gjitha Kantonet, në St.Gallen u mbajt Kuvendi i Degës për Zvicër i Partisë Guxo.

Rikujtova rolin historik të mërgatës sonë në mbajtjen gjallë të sistemit shtetëror të Kosovës gjatë viteve 90-ta, rolin e saj në luftë, si dhe rolin e tanishëm që mërgata ka në forcimin e Shtetit të Kosovës.

Mërgata jonë në Zvicër ka qenë dhe mbetet me entuziazëm e vullnet pranë atdheut dhe fatit të tij, një shtyllë e fortë e rindërtimin dhe shtetndërtimit në Kosovë.

Kauza që e përfaqëson GUXO, është e ngjeshur fort me vetë sublimimin e idealit që ka mërgata ka për Kosovën, së këndejmi edhe lidhja e fuqishme e GUXO me mërgimtarët tanë, është më shumë se e natyrshme.

Vetëm të bashkuar e me guxim, mund ta shpiejmë atdheun tek vlerat e vërteta të demokracisë dhe zhvillimit.

Delegatët, me votim të fshehtë, zgjodhën z.Mehmet Blakajn, Kryetar të Degës.

GUXO për Atdheun!