Në Prishtinë është përmbyllur manifestimi 3-ditor në nderim të 25 vjetorit të Epopesë së Ushtrisë Çlirimtare të Kosovës.

Përmbyllja e manifestimit është bërë me ndezjen e flakadanëve, në “Natën e Zjarreve”, që në kryeqytet po ndodh për herë të parë, shkruan gazeta online Reporteri.net.

Në fotografitë që ka siguruar gazetari Venhar Isufi, shihet se i pranishëm në ceremoni ka qenë edhe vetë kryetari i Prishtinës, Përparim Rama.

Ndryshe, ndezja e flakadanëve është organizim që tradicionalisht ndodh në Prekaz, në çdo përvjetor të Epopesë së UÇK-së. /Reporteri.net/.