Përkundër përplasjeve në pamundësi që VV dhe LDK të merren vesh për një marrëveshje bashkëqeverisëse, dy drejtuesit e këtyre partive në Prizren janë takuar sot, nga ku kanë publikuar edhe një fotografi të përbashkët.

Kreu i Lidhjes Demokratike të Kosovës në Prizren dhe deputeti Anton Quni është takuar sot me Mytaher Haskukën e Vetëvendosjes, i cili udhëheqë me këtë komunë.

Ky takim vjen pas përplasjeve në distancë mes anëtarëve të LDK-së e VV-së, pas ofertës që kjo e fundit njoftoi se ia ka bërë LDK-së, në përpjekje për të gjetur formulën për koalicionin qeverisës, shkruan Reporteri.net.

Quni ka shkruar në Facebook se ka takuar Haskukën në vazhdën e përpjekjeve për të bërë një qeverisje më të mirë lokale.

Ai ka shtuar se si dy partnerë në qeverisje, janë zotuar që do bëjnë të mundur ofrimin e shërbimeve më të mira e më cilësore.

“Si dy partner në qeverisje, jemi zotuar që të bëjmë gjithcka që është e mundur që qytetarëve të Prizrenit tu ofrohen shërbime më të mira e më cilësore përgjatë vitit në të cilin sapo kemi hyrë”, ka shkruar ai.

Kujtojmë se mosarritja e koalicionit mes VV-së dhe LDK-së jo vetëm që po sjell akuza mes zyrtarëve të këtyre dy partive ku po e fajësojnë njëra-tjetrën për dështuar, por të njëjtën kohë po sjell përplasje edhe brenda partisë së Isa Mustafës. /Reporteri.net

https://www.facebook.com/permalink.php?story_fbid=2460235120908340&id=1407202792878250